Seren sumeren calon Panganten

Asalamu'alaikum Wrb, Nyukcruk galur Sunah Rosul, nincak lacak syariah Islam. Kiwari nu sirna poe anyar, nu lumampah hiliwirna sora bangbara nu boga jangjang emas. Dinten ieu endahna lir nu kasinugrahan, wireh Sim kuring saabringan cunduk rusuh datang geura, tanding walik muru pasir, tanding jogjog muru mondok, muru panonobanna. Dupi nu di pimaksad ngajajap Pun adi wasta Agus Sutisna, anu parantos neundeun kadeudeuh nunda kanyaah nyimpaykeun tali katresnan ka Tuang putra wasta neng Euis puputon kembang kadaton putra Pangersa Bapa Junaedi miwah Ibu. Kalih ti eta, janji pasini hoyong ngajadi pasang subaya baheula hoyong laksana, kauntun tipung katambang beas laksana kapiduriat. Cunduk waktu nu rahayu datang mangsa nu utama dijurung ku do'a indung, Sim kuring seja nyanggakeun Pun adi, wasta Agus Sutisna mugi ditampi sapamaksadan, diluhur sausap rambut, dihandap sahibas dampal, geutihna satetes, ambekkanana sadami kanggo ditikahkeun ka Tuang Putra. Pamungkas, Jung sampiung,bral samiak awaking hidep nyacat manggung kabale nyungcung, beber layar tarik jangkar mugia salamet walatra waluya, sing jugala dina ngabaladah sagara kahirupan rumah tangga. Wabillahi taufik walhidayah Wassalamualaikum Wrb

wilujeng tepang sareng Panglawungan Sundanologi

Nepangkeun sim kuring wasta Kang Yeye. linggih di tatar Sunda nu ketelah Kota Hujan.sasieureun sabeunyeureun manawi dulur-dulur tiasa lebet ka Blog ieu , mangga urang sami-sami silahturahmi ngedalkeun pangalaman sewang-sewangan mugia aya mangpaatna kanggo urang sadaya. disebat Panglawungan Sundanologi teh wireh sim kuring katut sobat-sobat sok remen karumpul ubral obrol tina perkawis hal-hal anu patula tali na sareng Kasundaan, hal na naon wae eta mah. tiasa widang Seni, Rakitan basa, atanapi Budaya Sunda jeung nu lianna. Cag, Htr nuhun " Lamun tresna ngancik tina duriat, Estu leuleub nancleub miraga sukma. Tumuwuhna kaluhur matak sihungan, kahandap matak akaran. Lamun Tresna eta ngancik dina galeuh maneuh Manusa, Lain geulis nu mawa bogoh, tapi bogoh nu mawa geulis........."

Hoyong silahturahmi sareng urang Sunda

Kumaha urang Sunda daramang? sim kuring liggih di Bogor

Seren sumeren calon panganten

Saha nu tiasa masihan cara seren sumeren panganten sunda? mangga diantos